Tips: Curing Pimples

Ito ang mga paraan na makakatulong para mawala ang iyong pimples (based on experience^^):

1. Uminom ng maraming baso ng tubig araw-araw.

2. Huwag magpupuyat. Dapat sapat ang tulog araw-araw. Mga 7-8 oras na tulog.

3. Kumain ng gulay at prutas. Iwasan ang mga matataba at mamantikang mga pagkain.

4. Mag hilamos pagka gising at bago matulog. (Kung hindi hiyang ang mukha sa sabon tulad ko, kahit tubig na lang) Punasan ang mukha ng malinis na tuwalya o bimpo.

5. Maging malinis sa pangangatawan (hygiene).

6. Mag relax at hanggat maaari ay huwag ma stress at huwag mag isip ng mga problema.

7. Iwasan ang mga maruming hangin tulad ng nagmumula sa usok sa sasakyan at iba pa.

8. Kung pinagpapawisan ang mukha, hanggat maaari ay tissue ang gamitin. Itapon agad at wag ng gamitin pa ang nagamit na ng 1 beses. Pero pwede rin namang panyo ang gamitin, tulad ko.

9. Tamang exercise at diet. Pag sinabing ehersisyo, yung magpapawis ka talaga. Pag sinabing diet, kumain ng TAMA at SAPAT lamang na pagkain, hindi ibig sabihin non eh huwag kakain o kaya naman ay 1 o 2 beses lang kakain sa 1 araw.

10. Iwasan muna ang paggamit ng pulbos at make up para sa mga babae.

11. Siguraduhing wala kayong bangs^^ Yung dumi kasi ng buhok ay napupunta sa noo. 

12 Gumamit ng effective pimple treatment. 

Pwede nyo itong dagdagan sa pamamagitan ng paggamit ng facial cleansers, kung hiyang kayo, at pati moisturizer, sa umaga at sa gabi.

Effective Pimple Treatment

Isa ako sa mga taong hindi pinalagpas ng isang napakatinding sakit, para siyang cancer. Ang tawag sa kanya ay ACNE o PIMPLES.


Ang istorya

Nagsimula akong magkaroon ng pimples nung Grade 6 ako, 2 pimples ang unang lumabas sa may bandang ibaba ng mata ko, simula noon gumagamit na ko ng Ponds facial wash. Walang epekto. Lalo atang nagalit.

1st year higschool ako ng  matauhan na ayaw ng mukha ko sa mga facial wash. Pati na rin sa mga sabon, kahit yung mga mild at organic. Isama na rin ang mga facial cleanser.

Nung 3rd year highschool ako, naaalala ko, ga-pigsa ang tumutubo sa mukha ko, saksi ko mga classmate ko. Pansin ko pabalik balik akong nagkakaroon ng pimples, pabalik balik din na nawawala.

Kunwari isang buwan meron, yung susunod na buwan wala. Ganoon ang cycle ng pimples ko. Pero dumating ang pagkakataon, 2nd year college ako, malapit ng gmraduate (associate graduate ako ng HRM), nagtagal ng 1 at kalahating taon, HINDI NAWAWALA ANG TAGHIYAWAT KO!

Kinabahan at natakot talaga ako noon. Unang una nasa field ako ng Hospitality Industry, sino naman ang tatanggap sakin? Buti na lang di pa ko nag-aaply noon, ng mapagpasyahan kong ituloy sa bachelor degree ang course ko :)

Ang pimples ay hindi isang maliit na usapin, lalo na sa mga teenager, at hindi ito pambabaeng usapin. Kahit lalaki nagkakaroon, buti na lang hindi naman severe ang pimples ko, papunta palang. Buti naagapan ko.