NBI clearance

 

Kumuha ko ng nbi clearance nung November 2014 lang at natuwa ako dahil mas mabilis na ang proseso ngayon kesa dati. Halos 6:30am na ako pumila, natapos ako 11am. Kumpara naman dati sobrang haba na ng pila sobrang tagal pa. Sa Robinsons Metro East nga pala ko kumuha ng clearance, for renewal, for local employment.


Online Application

Simula January 2015 hindi na sila tatanggap ng walk in applicant, lahat dapat eh naka ONLINE APPLICATION na. Eto ang website click nyo na lang. Saka niyo ipapa-print. Kaya pag pupunta kayo don sa alinmang NBI clearance center dala na ninyo yung printed application.


NBI Clearance center

Mas maganda before 6am nandun na kayo at nakapila na kung gustong mauna. Pero kung tutuusin kahit nga 8am-10am pumila okay lang makakahabol ka pa rin. Pero syempre mas maganda na ang maaga. Pagkapila niyo bibigyan kayo ng number. 

Oo nga pala, mapa first time registration o renewal iisa lang ang pila niyo, same process.

Magdala ng 1 valid id bago kayo pumunta at saka pambayad sympre, P115.00 binayaran ko :)

Unang proseso pipila kayo for payment, tapos for picture and thumb marks at ang panghuli ay ang release. Ang malas ko marami ako kapangalan kaya natatakan ang resibo ko ng "HIT" kapag ganun babalikan mo pa yung clearance sa itinakdang araw ng pagkuha. 

Pagkukuhain mo na yung clearance papakita mo na lang yung resibo mo, kapag ibang tao naman ang kukuha ng clearance mo dapat meron kang authorization letter.